聯匯不改 大市趨靜

曹仁超日記

信報 1998年12月14日

 

【匯豐跌穿250天線不妙】

今年首十個月國泰(293)載貨量四十七萬一千五百八十七噸,較去年同期五十二萬三千二百七十七噸,減9.9%;乘客數字八百五十七萬一千二百三十二人次,較去年同期升1.2%;加上機管局宣布第二條跑道延期至99年8月開放(原先計劃係今年年底),進一步影響明年國泰航線安排;雖然目前一條跑道已可應付需求,萬一有意外,其他航機便不能在港升降(兩條跑道便完全唔受此影響)。國泰行政總裁認為1998年係國泰災難性一年,自1945年成立以來首次出現虧損,痛苦已由公司員工及股東平分一前者必須延長工作時間(一般每星期增加兩小時)、減薪兼裁員,後者面對減股息及股價下跌之「無形」損失。展望99年,情況未見好轉;9月份已同多家公司組成聯盟,以減少營運支出,另以更經濟方式維修飛機,因此港機工程(044)亦要首次大裁員!

上周五琤肣蛓偽悁珓數收9892.29,跌59.71(去周五香港收9953點),匯豐(005)收一百八十八元,較香港低五角,返番去二百五十天平均價(一百八十九元三角四仙)之下,在熊市中高出二百五十天平均價只代表超買,但跌穿二百五十天平均價便要小心,往往係大跌市。不過,指數周時會出錯慨,唔信邪者可置諸不理也。

今年10月至今瓻上升,很大程度由匯豐帶動 - 股價由百三十二元升至11月底的二百零四元,上周五倫敦匯豐股價跌穿二百五十天線,真係要小心,照我老曹話,呢個聖誕節前後(最好係前)應該沽匯豐。琤肏數二百五十天線在9470點,暫時仍十分安全,但非固若金湯,事關小型頭肩頂頸線在9500點,如9500點失守,確認10月到12月為大派發區,又有大量散戶在今年10、 11及12月被綁……。熊市的運行便是令好友一而再、再而三在反彈市中消耗購買力,最後轉化為意志消沉為止;行止兄冇耐前成日話港人仍然多金,經過呢次政府帶頭慨反彈,未來下跌後,相信佢會修改此睇法矣;咁即係話,未來港人公仔紙多銀紙少!在熊市中唯一值得大學入市日子係桓生指數低於二百五十天移動平均數35?0%,每次接近甚至略破二百五十天移動平均數時,都要拋售或減持。

熊市的運作是熊一投資者由充滿希望到一再失望(例如97年下半年);熊二是投資者逐漸心灰意冷(由近期唔少專家仍在電視台猜測99年上半年經濟復甦呢點,已足夠證明熊市未死!)對前景失去期待、冇晒僮憬,通常需要一至兩年時間。最後投資者感到絕望,把股份賤價拋售離場,有人斬手指有人發毒誓不再買股票為止;至此一刻,熊三才完成!到時職業投資者重返股市,引發牛一,這是後話,表過不提。通常大市發展到牛三才見散戶排隊入市(例如97年上半年)。90%散戶是股市犧牲者,欲改變亦無辦法,情況一如大魚產卵(呢個「古仔」行止兄講左多年,而且講完又講,講到佢依家唔想再講),能夠生存變成大魚者,千中冇一;散戶亦一樣,每萬名散戶中約有五到十位有機會成為大戶,其餘都被股市洪流(升降皆然)吞噬。股市從來唔係遊樂場,係鱷魚潭,可惜散戶自以為係鱷魚蚤母,成日想在鱷魚頭上吸血,死亡率自然十分高。如欲在股市中成為少數贏家,非痛下苦功不可。不過,性格更為重要,如果有銀便身痕,肯定到頭來得個桔;如果以為自己懂三兩招三腳貓功夫便可成為李大龍,損失慘重不要怪別人殘忍。弱肉強食,適者生存是物競天擇的守則,希望散戶能以嚴肅態度對待股市及各種投資!

了解未來必須研究過去。戰後的經濟繁榮來自各國印刷鈔票協助戰後重建開始,呢段日子可用「溫和」通脹期界定;由1945年到66年,美國涌脹率一般在3%以下,各行各業欣欣向榮,戰後重建吸收了各國政府所印刷鈔票,令通脹問題不大。66年後戰後重建大致上完成,到處流竄的資金逐購買黃金保值,首先導致英鎊不穩貶值,71年美元加入貶值行列,73年通脹率大幅上升,直到80年美國聯儲局利用高利率才馴服高通脹,呢段日子乃「高通脹」期,持有實物跑嬴股票,債券楂家成為最大受害者,事關債券乃「充公證明書」(即係話政府作左你D銀兩);82年通脹開始被馴服,逐步回落,因此長期利率開始下挫,一直至今……。呢段日子英文叫涌脹萎失(Disinflation)。隨著通脹率逐步萎失,長期債券孳息亦回落,推高債券價格;同持推高股票P/E水平,債券及股票價格上升為經濟帶來繁榮。

但P/E不可能無止境地上升,利率亦冇可能無止境地回落,資產市場不可能長期存在泡沬,最終必會泡沫破裂,進入通貨收縮期,例如1929至32年美股;近代政府大力干預而出現日本式的冇通脤增長。目前歐洲及美國經濟正由通脹萎縮期逐漸步入冇涌脹期,例如政府債券仍然上升,公司債券因信用評級下降就算高息亦冇人肯長楂;LTCM睇唔到呢點,拋空政府債券吸入三A級公司債券,以為可賺取兩厘息差,結果發現政府債券價升,三A級公司債券價跌,終於幾乎一命嗚呼。

【短期之效帶來長期破壞】

雖然各國中央銀行努力,但不能阻止全世界進入冇涌脹期;一如67至70年,英美中央銀行聯手拋金亦無法阻止高通脹期出現的道理一樣。政府有形之手在短期而言係無敵之手(各位今年8月到ll月已領教過矣),但對長期趨勢政府係「無能之手」而已。干預只收短期之效,卻帶來長期破壞,例如七十年代美國愈拋售黃金,美元愈唔值錢。未來美國資產市場泡沫何時爆破唔係會唔會爆破,尤其係99年是極之令人擔心的一年,情況一如66至82年共十六年,美國由低通脹期到高通脹期,十六年後今天(98年),美國由高通脹期再次返回低通脹期,明年極有可能進入「冇通脹」期!

環球供應過剩情況到處可見,農產品、礦產品、工業產品價格下跌的例子,舉不勝舉,甚至美股企於9000點高點,美國製造業一樣處於衰退期!在聯儲局瘋狂刺激經濟下,美國儲蓄率跌至零一連續兩個月矣,一旦美股在99年開始回落,冇任何力量可以阻止它 - 聯儲局肯定唔會入市!至於歐洲政府已全面左傾,為協助解決本土失業率,會做出一切去保護本土工業。日本政府巳做左好多工夫,但未能阻止日本失業率上升,擔心很快亦由左傾政府上台(如99年GDP無法恢復增長)。還有拉丁美洲、亞洲……還是少講D。明年美國最後對付通縮武器係把短期利率降至三厘半,不過,三次減息改變不了美股方向,六次減息的結果亦一樣,尤甚係99年起,外國中央銀行將減少購買美國政府債券,改為吸納歐羅,令長息冇法進一步回落。

【真正羸家具備四大特點】

投資市場的嬴家並唔計較過去你嬴了多少或贏多少次,而係到最後你仍有多少!真正的贏家通常有四大特點 – 1) 判斷能力; 2) 小心謹慎; 3) 耐性(最佳時機才入貨出貨); 4) 紀律。

在投資市場錯九次贏一次者,可能係大贏家 - 只要每一次做錯了都立即壯士斷劈、割掉損失,而最後那次卻大大地賺一筆;反之贏九次輸一次者可能係大輸家,因為最後一次足以致命也。祝各位都係最後贏家。

 

Home