綠化郎任內將花清儲備

綠化郎任內將花清儲備

 

曹仁超日記

信報 2002年01月26日  

Home

        去年 12 月本港總出口出現連續十個月回落,跌幅達 10.4%,只有 1,160 億元( 11月下跌11.3%),去年全年跌幅 5.8%,估計去年本港 GDP 絲路增長(2000 年增長超過 10%)。最近日圓貶值,令港貨晌海外競爭力下降,估計今年第一季本港總出口繼續回落。

        日圓自去年 9 月 20 日起至今貶值超過 10%,南韓 WON、新台幣亦追隨貶值,港元基於聯匯制度冇得郁,只有睇住其他地區貨幣貶值,搶走本港出口生意,幸好中國經港出口產品去年 12 月仍升 11.4%,全年升 6.8%,令香港總出口數字冇咁肉酸。12 月轉口跌 10.6%,只有 1,029 億元,出口減少 8.5%,只有 131 億元;入口跌 13.5%,只有 1,227 億元,理由係本港消費需求下降。

        2001/02 年度政府財赤估計達六百億元,部分理由係政府停止賣地及外匯基金投資收益大幅減少,估計呢方面令政府收入減少二、三百億元,因此,結構性財赤估計不足三百億元。理由係政府財政開支由 96/97 年度時只佔 GDP 18%,到 2001/02 年度增至約 23%,因此政府必須努力削減(或控制)開支,令支出重返佔 GDP 18% 左右。

        不過,如政府今時今日削減開支,又令通縮壓力加劇;反之,如政府乜炡ㄜ灠窗A2002/03 年度財赤好易升到七百億至八百億元,漸漸進入完全失控情況。今年預算案,阿虫面對嘅選擇係政府開倉協助窮人,抑或謹慎理財?前者政治正確經濟自殺,後者政治自殺經濟正確。

        本年度有六百億元財赤理由係 97 年 7 月香港主權回歸中國後,BT 仍相信本港 GDP 仍可保持 5% 年增率,認為 97、98 年經濟回落只係暫時性,政府開支仍假設本港 GDP 每年可升5%。98 年 8 月政府入市干預股市,結果賺咗一千億元,加上出售地鐵(066)股份,這些非經常性盈利抵銷咗 99 年 GDP 低增長。

        2000 年本港 GDP 增長 10%,似乎一切都美好 ,到去年賣地收入大減,出售盈富基金(2800)有困難,第二次出售地鐵股份亦唔易;加上 GDP 增長率絲路,才發現香港主權回歸後,本港 GDP 平均每年升 5% 的假設係不切實際。

        過去幾年政府財政有問題,主要係依賴非經常性收益抵銷經常性開支,其實已經好危險;假設未來賣地收入恢復正常,外匯基金每年又可賺二百億元,政府財赤仍然係二、三百億元,除非未來幾年本港 GDP 真係有 5% 年增長。不然,97 年香港回歸時前港英政府留下的三千億元政府財政儲備鉭韙ぉ戌b任十年內花清! 

通縮壓力加強市民受害 

        假設阿虫決心糾正財赤,未來五年政府開支由依家佔 GDP 23% 降至 18%,咁樣已帶來通縮壓力,因為公務員必須凍薪,各部門必須控制成本上升.....。聯匯制度自 90 年至 97 年引發負利率,刺激盲目投資(或投機),帶來通脹,依家反過來扼殺投資機會,帶來通縮;再加上中港兩地洽商中的自由貿易區亦會進一步加強本港通縮壓力。換言之,在可見將來,通縮壓力在加強而非減弱。

        呢段日子香港市民肯定好痛苦。IMF 資料顯示,去年 5 月全世界通脹率係 2.8%,去年 10 月已跌至 1.7%,相信 12 月份更低於 1%,即全世界進入低通脹期,日本及香港早已進入通縮期。銀行利率只可減至絲路,不能減至負數;一旦進入通縮期,即使利率降至絲路,實質利率仍相當高,結果企業純利唔易上升,引致股價回落,投資陷入低潮,失業率上升,形成負債更難清還。

        以過去歷史邁說A每一次大牛市結束前,市場必然充滿大量投機活動及謠言,97 年第三季本港樓市泡沫如此,2000 年 3 月的 TMT 股泡沫亦係咁,面對咁嘅環境,最好做法係關掉手機、熄掉電腦及數據提供,沽出所有,到外地遊埠,通常遊完埠返嚟發覺一切都便宜晒。

        美股戰後第一個牛市道指升至 66 年 2 月 9 日的 995.15 結束,其後跌至 82 年 8 月 12 日,指 數 776.9 才開始另一牛市,前後共十六年;期間有唔少小牛市及小熊市。

        美國戰後第二個牛市於 2000 年第一季結束,因此不妨忘記買入後持有或指數基金;因為未來只能捕捉那些小牛市及小熊市。假設呢一次又需要十六年時間始誕生戰後第三個牛市,即在 2016 年才開始牛市,相信屆時我老曹肯定已退休,年輕人如見到另一牛市出現時,請記住我老曹曾在今年預測呢個牛市出現。

        去年 2 月聯儲局第二次減息,我老曹認為減息只代表經濟將轉壞而非好轉,因此宜沽貨離場,不宜入市吸納,當時唔少分析員唔同意,認為唔好同聯儲局作對。過去九+年( 聯儲局 1914 年成立),每一次減息及增加貨幣供應三至六個月,美股必升;只有一次例外,便是 1929 年那次;去年係第二次例外。

點解 1929 年那次例外?答案係通縮。點解呢一次又例外?答案恐怕亦一樣。

        港人比較幸運,已見過 90 年代日本通縮係乜洃@回事,所以面對 38 個月通縮仍無懼色;美國極有可能响今年才進入通縮期。

        去年 9 月 21 日股市極度超賣,分析員變得悲觀,股市一如估計出現反彈,當分析員响去年 12 月開始相信今年第二季經濟復甦時,恆生指數於 12 月 7 日見頂回落....。

格老忽然樂觀冇得減息 

        格老周四忽然又睇好 D,令人擔心佢真正意思可能係 1 月 30 日唔減息,即代表減息期去年已結束。一來聯邦基金一厘七五係四十年來最低,二來去年十一次減息仍然冇效,再減息作用亦唔大,今年不妨試試出口術唱好個市!大摩認為,經過去年第四季 GDP 反彈後,擔心今年第二季 GDP 又再出現負增長,主要係企業純利減少,被迫裁員,擔心格老呢次忽然樂觀,目的係為下周唔減息製造藉口。